搵般尼茅夫練靶 熱刺客W食得出

2020-07-09 08:35:50 來源:網絡

周五凌晨英超大戰,般尼茅夫主場鬥熱刺,將會係熱刺搶分大好機會。般尼茅夫堪稱熱刺嘅「私房菜」,近6次碰頭熱刺贏咗5次,其中南韓球星孫興民更曾5度攻破般尼茅夫大門,今場誓要贏波爭奪下屆歐洲賽資格,強捧客勝。

(Now 621周五凌晨1時直播)

暫時排喺聯賽第8位嘅熱刺復賽後表現其實唔差,包括打和曼聯後再擊敗韋斯咸,但前仗作客錫菲聯,卻因為一個VAR誤判令熱刺無法扳平,最終大敗1比3,搞到領隊摩連奴嬲到出煙。經過重新調整,熱刺上仗成功擊敗強敵愛華頓,表現重返勝軌,可見熱刺整體表現仍然穩定。王牌前鋒哈利卡尼近3場聯賽攻入2球,腳風轉順,狀態正穩步上揚,今場有機會繼續數胡。

防線穿窿連場大敗
熱刺今場面對般尼茅夫,相信仍然會高舉進攻大旗,過去熱刺6次面對般茅贏5次,合共射入17球,明顯當對方守將透明一樣,當中孫興民個人射入5球、迪利阿里亦有3球貢獻,今場絕對有格食格味道。佔主場之利嘅般尼茅夫雖然有護級壓力,但佢哋確係有心無力,聯賽重開後4連敗,繼前仗大敗1比4畀紐卡素後,上場再遭曼聯以5比2血洗,防守勁有問題,預計今場難擋熱刺來襲,客勝係最佳選擇。
广东快乐10分人工计划