曼聯強勢上盤要得過

2020-07-09 08:35:30 來源:網絡

雙核撻著狙擊維拉
今晚英超壓軸尾場,弗到漏油嘅曼聯作客阿士東維拉。維拉踢咗大半季都喺護級漩渦掙扎,但復賽後依然未見起色,相反曼聯喺「雙核」保羅普巴同波基斯費南迪斯帶動下,連場報捷個勢勁旺,為爭下屆歐聯入場券唔會留手,雖然今場讓到1/1.5球咁辣,上盤仍然捧得過。

(Now 621及611周五凌晨3時15分直播)

憑升班附加賽於今季重返英超嘅維拉,梗係唔想做「升降機」喇,但偏偏復賽後要面對「魔鬼賽程」,結果先後輸畀實力分子車路士、狼隊及利物浦,今場又迎戰另一支要搶分爭前4嘅曼聯,實在兇多吉少。事實上,維拉領隊甸史密夫亦識得避重就輕,於頻密賽事之下,將主力留番喺可以搶分嘅場合搏殺,無謂同勁敵硬撼,不過以往維拉即使全力出擊,近5次地頭迎戰曼聯只得1和4負,就算王牌球星基亞利殊施展渾身解數,但近幾仗所見亦獨力難支,今場想搶分護級絕對唔易。

紅魔近16仗未輸過
另一邊廂,曼聯為咗攞到下屆歐聯參賽席位,搶分決心毋庸置疑,保羅普巴復出可謂及時雨;呢位法國中場與波基斯費南迪斯組成「雙核」,更全面釋放「波費」嘅進攻潛能,上仗反勝般尼茅夫5比2,佢又入靚罰球兼交出兩次助攻,成功激活前線安東尼馬迪爾、拉舒福特及格連活特等「生牯仔」,火力全開,近3仗聯賽均至少贏3粒,繼續向前4位置進發。連同盃賽在內,「紅魔」自2月起未輸過,近16戰法定時間錄得11勝5和,個勢咁旺,難怪讓球盤讓到1/1.5球咁辣,正所謂寧買當頭起,曼聯作客都未驚過,照撐上盤。
广东快乐10分人工计划