惡客狼隊反轉錫菲聯

2020-07-08 09:30:18 來源:網絡

今晚英超頭場之一,錫菲聯主場對狼隊。狼隊上輪不敵阿仙奴,爭前4受重大打擊,為保出戰歐聯機會,今場作客亦冇得保留。狼隊今季作客表現可靠,面對近況一般嘅錫菲聯,有力反彈,簡單要客勝。

(Now 622周四凌晨1時直播)

近5作客獲4勝
狼隊上場不敵阿仙奴前錄得3連勝,球隊狀態可靠,唔會因為一場敗仗就崩潰,尤其佢哋嘅成功建基於強大團隊合作,緊密防守更加係作客成績優異主因。

狼隊近5場聯賽作客取得4勝1和不敗佳績,當中有3場保持不失球,前線靠艾達馬查奧爾及魯爾占美尼斯(圖)策動反擊,戰術上更有利作客發揮,因此狼隊今季作客勝仗(7場)多過主場(6場),並唔令人意外。

錫菲聯上輪作客逼和般尼,復賽後6場賽事只贏得1場,鋒力不足嘅問題表露無遺,近5場聯賽有3場「食白果」,今季全隊入波第2多嘅中場約翰費歷克依家仲養緊傷,進一步削弱球隊戰力,狼隊可望贏波反彈,捧客勝。
广东快乐10分人工计划